Tonight’s broadcast of SCQ was brought to you by HTB .. Cause dis one ago BUN Kingston Cabbies. *Queue to commercial* “When you’re buying Easter  bun make sure you give  KC …” ..Party  time now….  Nice and easy Missa Selecta.. Gimmie di Sly &Robbie Riddim..  Run di Buju track  “ Lawd a Mercy… Drivaaaaa doah stap at all , drop off di KC Man dem round a Stadium hall, Drivaaaaa, don’t even hitch, collect dat likkle food deh yah and come back quick…… ” PER PER PER PERRRRRRRR!!… Hear  Campion respond now..: “Probably u never heaardddd a we.. O yes sah u better ask somebaaddyyyy”.. PUULLLL UPPPPPP!!.. Now seriously folks,   KC realllllyy did  tink dem coulda beat  Campion?.  Maybe EFF dem did check Old Habour fi dem links dem woulda have a chance.  *Selecta  draws for Beres Hammond..*  “Like to tell u a story now… What Obeah can dooooooo..””… Easssyyy!!!!…. Unfortunately, mi naw go have a soul fi fass wid after this. Fun and joke a side peeps,  dem put up a damn  good fight. Nuff respect. They lead the Opening Challenge but when the speed section started, It was  all ova… So  if mi inna di Papine area I will  surely give uno a shout out…  *Lights dimming.*.  Take  us out  Selecta …“Although we’ve come, To the end of the road , Still I can’t let go …It’s unnatural…”  *Taxi cabs  across the island switch off  their signs in solidarity… Wipers on… chamois hoisted and cabbies waving in rhythmic unison”.. Tear filled eyes driver slowly turns to his passenger, reaches out his feeble arms  and  gently whispers “fares please!!”… Final score 35– 27. One and ready!!

I TOOOLLLDDDDD YOOUUUUUU.. Lastnight Lastnight Lastnight.. Hot patty hot patty Jago bungs it out.. Mi sehhh…dem supposed to bawl out FREEEEDDDOMMMM… Finally dem get dem revenge and mi naw lie, I was most elated for them for they were more that deserving. Remember last year is Munro get out Jago in the Qtr finals to progress to the semi. So a baaaaayyyyyyy, Munro get last lick!!. But di match did nooiiceeeeee. Competition did toigghttttt like new brief.  The questions were harder, both teams were sharper but ONE thing remained constant.. MARLENE NUISANCE STEPHEN-DALEY !!!!  Eff She annoying ONE  MORE TIMMEEEE bout “Please stop shouting” A wha? Secret dem a tell u or monastery di match kip?  Reminds me of an ingrown toe nail… CHA !!  Please Tvj to ensure is JP do the Finals.  Den u waan si her a laugh afta Munro and boof dem when dem pre-empt  one answer  for a question wha never dun read. Tink she easy.. Didn’t even realize she had teeth till last night.. Anyway, what a shoot out it was..  The only ting missing was ZOSO .. Lovely.. Jus Lovely. Final score 33-26. Next up .. tonight… Kingston Cabbies vs Campion.. Now DIISSSSS a go sweeetttt di I…

Late evening report for SCQ.. Listen people.. Everybody know seh me a good good God fearing, tunup Christian girl weh nuh deal inna no form of iniquity workings, science or spiritual innuendoes. So with that disclaimer said.. There is NOOOOOO WAYYYYYYY you can tell me seh Old Harbour nuh have Obeah Man pon dem payroll system. You know when yuh a eat  2 Tastee’s patty and all you a yearn fa is di crumbs at di bottom but when you  tun out di bag NUTTEN NUH DEH DEH!!!?? A dem deh breed a SHOCK lick mi.. So hear we have it.. Lastnight  the race was definitely NAT for di swift but di cool and deadly. From the Opening Challenge and Speed Section a prapa donkey lengths Titchfield did a gi Old Harbour. Yuh si WHEEENNNN di buzzer section start.. Is like dem put hex pon Titchfield Mout.. Like a blasted sniper inna Tivaaaali a suh  Old Harbour tek time pick awf  Titchfield like pitchary.  EVERY question Old Harbour buzzed in for was correct except one caw di captain chat bad and couldn’t pronounce smady name right.  BTW Titchfield.. Di young man wid him hair comb inna one wid baby hair and arched eyebrows.. HIM FI TAP IT!!! Dats why crime cyan dun… Mek a did fi mi bwoy.. A woulda gi him 2 ……. Anyway, Old Harbour, proud a uno.. Weh nuh dead nuh call it KC.. Woiiieee.  So congrats on another upset. Stay tuned tonight though folks.. May be the HOTTEEST Match of the season.. Jago vs Munro… Deh deh pon mi ayesssssss….. Final score 21 -17

Chester, Chester, Chester Chester….. Wooiieeeee…. Di battle start get stickkkkkyyyy bwoy. RAB U LACK NUFFFFF LAST NIGHT…  LACK Composure, LACK knowledge, LACK assertiveness.. This batch as mi seh, did water down bad bad.. Uno did want like Syrup in uno step, lickle malta or oats fi tick up back di head dem. I wonder if dem did a fool roun di KFC pon Red Hills Rd?? Uno fi tap nyam so much fry chicken. Eat grill food like Campion or bwoil 2 egg  a mawning time.  Well, let’s hope all that accumulated oil will give dem acceleration in  Champs.  Manchester start open di gap from the Speed section and just literally sat and cruised to the end. HOWEVERRRR, Try know seh although dem win, mi nuh TINK dem have far fi go.. Right ya now, mi done know who 1 of the finalists will be, now who will be a worthy opponent… Mek mi call di stats from now..  It’s going to be Munroe or Jago.  Everybody else can go prepare fi Champs (Warm up Cabbie)  or All together Sing. Please don’t do Dancing Dynamites cause you hafi bleach fi enter dat (Mi cyaa stand watch it)… Final Score 25 – 11.. How outta stadium look Kingston Cabbie